Onlayn mağaza açmazdan əvvəl cavab verməli olduğunuz 8 sual

Onlayn satış artıq kiçik bizneslər üçün də adi hala çevrilib. Amma uğurlu onlayn mağaza dizayndan çox, düzgün qurulmuş proseslərdən asılıdır. Sayt sifariş etməzdən əvvəl bu suallara cavab tapın.

1. Neçə məhsul satacaqsınız?

20 məhsul və 2000 məhsul fərqli həllər tələb edir. Böyük kataloq üçün filtrlər, axtarış və məhsulların toplu yüklənməsi (Excel və ya anbar proqramından) vacibdir.

2. Ödəniş necə qəbul ediləcək?

Bank kartı ilə onlayn ödəniş, qapıda nağd ödəniş, yoxsa hər ikisi? Onlayn ödəniş üçün bankla müqavilə və texniki inteqrasiya lazımdır — bu prosesə vaxt ayırın.

3. Çatdırılma necə olacaq?

Öz kuryeriniz, kuryer xidməti, yoxsa mağazadan götürmə? Bölgələr üzrə fərqli qiymətlər olacaqmı?

4. Qaytarma qaydaları hazırdırmı?

Aydın yazılmış qaytarma və dəyişdirmə şərtləri alıcının etibarını artırır və mübahisələrin qarşısını alır.

5. Anbar qalığını kim izləyəcək?

Saytda "var" görünən, amma anbarda olmayan məhsul ən çox narazılıq yaradan haldır. Qalıqların necə yenilənəcəyini əvvəlcədən müəyyən edin.

6. Məhsul şəkilləri və təsvirləri kimdə hazırlanacaq?

Keyfiyyətli şəkil və dəqiq təsvir satışa birbaşa təsir edir. Bu iş çox vaxt saytın özündən daha çox vaxt aparır.

7. Sifarişlər barədə necə xəbər tutacaqsınız?

E-poçt, SMS və ya Telegram bildirişi — yeni sifariş saatlarla cavabsız qalmamalıdır.

8. Müştəriləri sayta necə gətirəcəksiniz?

Mağazanı açmaq işin yarısıdır. Sosial şəbəkələr, Google reklamları və axtarış optimallaşdırması üçün də büdcə planlaşdırın.

Bu suallara cavablarınız hazırdırsa, onlayn mağaza xidmətimizə baxın — layihəni birlikdə planlaşdıraq.