Qara Cümə (bu il 24 noyabr) onlayn satış üçün ilin ən yüklü günlərindən biridir. Kampaniya gününün sonunda çox vaxt iki cür mağaza qalır: sifarişləri tez-tez qəbul edən və sayt çöküb müştərisini itirən. Fərq çox vaxt bir neçə həftəlik hazırlıqdadır.
Texniki hazırlıq
- Yükə dözümlülüyü yoxlayın. Adi gündən bir neçə dəfə çox ziyarətçi gələ bilər. Hostinq planınızın resurslarına və keş (cache) quraşdırmasına baxın.
- Sürəti ölçün. Ağır şəkilləri sıxın, istifadə olunmayan əlavələri söndürün. Mobil telefonda yavaş açılan mağazadan müştəri çıxıb gedir.
- Ehtiyat nüsxə alın kampaniya başlamazdan əvvəl və bərpanı yoxlayın.
- Ödənişi sınayın: kartla, qapıda ödəniş və digər üsullarla real sifariş verin; təsdiq məktubunun gəldiyinə əmin olun.
Satış hazırlığı
- Stoku dəqiqləşdirin. Qalmayan məhsulu satmaq ən pis təcrübədir: «Stokda yoxdur» göstərilməlidir.
- Qiyməti düzgün göstərin. Əvvəlcədən qiyməti şişirdib sonra «endirim» etmək müştərini tez itirir və etibarı pozur. Real köhnə qiyməti saxlayın.
- Çatdırılma vədini aydın yazın. Kampaniya dövründə çatdırılma gecikə bilər; müddəti açıq göstərin.
- Kampaniya səhifəsi hazırlayın: endirimli məhsullar, bitmə vaxtı, şərtlər bir yerdə görünsün.
Müştəriyə çatmaq və ölçmək
- Abunəçilərə və sosial şəbəkələrdə qabaqcadan xəbər verin. «Tezliklə» məlumatı gözləməyə səbəb yaradır.
- Nəticəni ölçün. GA4-də satışı konversiya kimi qurun (bax: GA4-ə keçid) və reklam keçidlərini UTM etiketləri ilə fərqləndirin.
Tez-tez suallar
Kiçik mağaza üçün də bu qədər hazırlıq lazımdırmı? Ən vacibləri üçdür: ödənişi yoxlamaq, stoku dəqiqləşdirmək və saytın yükə dözdüyünə əmin olmaq.
Endirim nə qədər olmalıdır? Rəqəmdən çox inandırıcılıq önəmlidir. Real qiymət müqayisəsi və aydın bitmə vaxtı daha yaxşı işləyir.
Onlayn mağaza açmaq və ya mövcud mağazanı kampaniyaya hazırlamaq istəyirsinizsə: onlayn mağaza xidməti.



